من خلال موضوع النهردة هنشوف أزاى هنحول الجوال إلى جهاز لاسلكى وربط العديد من التليفونات مع بعضها وتكوين شبكة لاسلكية داخلية وبمميزات رهيبة تمكنك من العديد من الخصائص منها (عمل المكالمات ,إرسال الرسائل النصية ,ومشاركة الملفات) كل ذلك من خلال الأجهزة المتصلة مع بعضها عن طريق الواى فاى والمدى الخاص بيها بيكون كويس جدا 🐥.
 |
| شرح تطبيق Wi-Fi Talkie FREE |
والطريقة الخاصة بحلقة النهردة هتكون عن طريق أستخدام تطبيق Wi-Fi Talkie FREE والتطبيق دة مخصص فى عمل شبكات الواى فاى وربط الأجهزة مع بعضها وتمكين المستخدم من عمل مكالمات عن طريق الواى فاى وخاصية مشاركة الملفات وإرسال الرسائل فى نفس الوقت وطبعا التطبيق مش بيحتاج واى فاى ولا أتصال بيانات أو حتى رصيد على الخط الخاص بيك لانة بيكون شبكة خاصة بية فى مدى بسيط ولكن لو كانت التلفونات متصلة بشبكة المدى الخاص بيها كبير أكثر من ثلاثة كيلوا فى الحالة دى هتكون مساحة التغطية كبيرة جدا بدون التأثير على جودة الإنترنت الموجودة على الشبكة نفسها.
طبعا التطبيق دة هيكون مفيد للأشخاص الرياضيين أو فى تكوين شبكة أتصال داخلية فى المنزل أو الشركات بدون أى تكلفة وتطبيق Wi-Fi Talkie FREE هو تطبيق مجانى بالكامل مع كل الخواص الموجودة فية كل اللى عليك أنك تحمل التطبيق من الروابط الموجودة فى صفحة التحميل فى نهاية الموضوع وتشوف الشرح الخاص بالتطبيق أتمنى إن الشرح يعجبكم ومتنسوش تعملوا مشاركة للمقال.
تحميل تطبيق Wi-Fi Talkie FREE
وكدة نكون خلصنا موضوع النهردة أتمنى بإن الحلقة تكون عجبتكم وشكرا للمتابعة 😊
عمر البسيونى
نبذة مختصرة : من مصر مدونة "دكتور تقنى" لأشارك معكم بعض المعلومات التى أعرفها بالمجال التقنى وتجاربى فى العمل على الأنترنت شعارى فى الحياة "أسعى إلى أن أكون الافضل لا لأن أصل للقمة بل لأصنع قمتى الخاصة بى"...